சென்னை:
சென்னையில், 19 கிலோ எடை கொண்ட வணிகப் பயன்பாட்டு எல்பிஜி சிலிண்டர்களின் விலை ரூ.66.50 உயர்த்தப்பட்டு, ரூ.2,917-லிருந்து ரூ.2,983-ஆக உயர்ந்துள்ளது. இந்த விலை உயர்வு இன்று முதல் அமலுக்கு வந்துள்ளது. இந்த விலை உயர்வு, வணிக ரீதியிலான எல்பிஜி-யை வழக்கமாகப் பயன்படுத்தும் ஹோட்டல்கள், உணவகங்கள், சாலையோர உணவுக் கடைகள் மற்றும் பிற நிறுவனங்களுக்குக் கூடுதல் சுமையை ஏற்படுத்தும் என்று எதிர்பார்க்கப்படுகிறது.
பண்டிகைக் காலம் தொடங்கவுள்ள நிலையில், இந்தியாவின் பல்வேறு நகரங்களிலும் வணிக சிலிண்டர்களின் விலை உயர்ந்துள்ளது. டெல்லியில், 19 கிலோ வணிகப் பயன்பாட்டு எல்பிஜி சிலிண்டரின் விலை ரூ.62.50 அதிகரித்து ரூ.2,810-ஆக உயர்ந்துள்ளது.
இந்தியன் ஆயில் நிறுவனத்தின் தரவுகளின்படி, கடந்த செப்டம்பர் மாதத்தில் இதன் விலை ரூ.2,748-ஆகவும், மும்பையில் ரூ.63 அதிகரித்து, சிலிண்டர் விலை ரூ.2,701-லிருந்து ரூ.2,764-ஆகவும் உயர்ந்துள்ளது. சென்னையில் வீட்டு உபயோக சமையல் எரிவாயு சிலிண்டர் விலை எந்த மாற்றமும் இன்றி ரூ.957.50-ஆக தொடர்கிறது.
